Xəbərlər

20 iyul 2016

"AzRe Təkrarsığorta" ASC tərəfindən 11-13 İyul 2016-cı il tarixlərində təşkil olunan Təlim barədə - Baku Jumeirah Beach Hotel

"AzRe Təkrarsığorta" ASC sığorta şirkətlərinin əməkdaşları üçün 11-13 iyul 2016-cı il tarixlərində “Maliyyə və bank risklərinin risklərinin sığortası” mövzusunda təlim təşkil etmişdir.

Proqramın moderatoru kimi beynəlxalq sığorta bazarında 15 ildən artıq təcrübəsi olan Mr. Martin Fall çıxış etmişdir.

Təlimin əsas mövzuları: Maliyyə və bank risklərinin sığortasının əsas anlayışları, təklif formaları, qiymətləndirmə, baş vermiş zərərlər və s.

Bu 3 günlük təlimin sığorta şirkətlərinin menecerləri və əməkdaşları üçün yüksək praktiki əhəmiyyəti olmuşdur. Təlimin başlıca məqsədlərindən biri maliyyə və bank risklərinin sığortası sahəsində biliklərin təkmilləşdirilməsi olmuşdur.

Tədbirdə iştirak edənlərə sertifikatlar verilmişdir.

Təlim "Jumeirah Beach Hotel"də keçirilmişdir.


20 aprel 2016

“AzRe Təkrarsığorta” ASC qeyri-mütənasib obliqator təkrarsığorta müqaviləsini müvəffəqiyyətlə yeniləmişdir.

“AzRe Təkrarsığorta” ASC 01.04.2016-cı il tarixində "A" reytinqli aparıcı beynəlxalq təkrarsığorta şirkəti ilə Azərbaycan Respublikasını, eləcədə də keçmiş sovet respublikalarının ərazisini əhatə edən 25 milyon manat həddində qeyri-mütənasib obliqator təkrarsığorta müqaviləsini yeniləmişdir. Sözügedən qeyri-mütənasib obliqator təkrarsığorta müqaviləsi əmlak, tikinti-quraşdırma işləri, tikinti maşınları və avadanlıqları, elektrik avadanlıqları, sınmış mexanizmlər, yüklər, 3-cü şəxslər qarşısında məsuliyyət (məhsullar üçün məsuliyyət daxil olmaqla), işəgötürənin məsuliyyəti, avtonəqliyyat vasitəsi sahiblərinin məsuliyyət sığortası və.s. sığorta növlərini əhatə edir.


29 mart 2016

“AzRe Təkrarsığorta” ASC 2015-ci ilin xalis mənfəət

“AzRe Təkrarsığorta” ASC 2015-ci ili 14 milyon 171 min manat xalis mənfəət ilə başa vurub.

2015-ci il Şirkətin cəmi gəlirləri 66,1 milyon manat, cəmi xərcləri isə 48,1 milyon manat təşkil edib. Təxminən 18 milyon manata yaxın maliyyə mənfəətindən 3,82 milyon manat mənfəət vergisi ödənilib.

“AzRe Təkrarsığorta”nın cəmi gəlirlərinin 50,7 milyon manatını təkrarsığorta haqları təşkil edib.


30 sentyabr 2015

“Çartis Azərbaycan Sığorta Şirkəti” ASC-nin səhmlərinin alınması barədə

30 sentyabr 2015-ci il tarixində “AzRe Təkrarsığorta” ASC “Çartis Azərbaycan Sığorta Şirkəti” ASC-nin səhmlərinin 100%-ni almışdır.

“Çartis Azərbaycan Sığorta Şirkəti” ASC qabaqcıl beynəlxalq sığorta şirkətlərindən olan American International Group, Inc. (AIG Inc.) şirkətinin törəmə cəmiyyəti kimi 15.01.1999-cu ildə təsis olunmuşdur.


07 sentyabr 2015

"AzRe Təkrarsığorta" ASC tərəfindən 24-26 Avqust 2015-ci il tarixlərindətəşkil olunan Təlim barədə

"AzRe Təkrarsığorta" ASC sığorta şirkətlərinin əməkdaşları üçün 24-26 Avqust 2015-ci il tarixlərində “İnşaat sığortası” mövzusunda təlim təşkil etmişdir.

AzRe-nin sosial məsuliyyətlərindən biri yerli bazarda sığorta mütəxəssislərin texniki bilik səviyyəsinin təkmilləşdirilməsi təşkil edir, beləliklə 24-26 Avqust tarixlərində "Bulvar Hotel"də tərəfdaş şirkətlərin mütəxəssisləri üçün 3 günlük təlim keçirilmişdir.

Təlimin başlıca mövzuları aşağıdakılar olmuşdur: İnşaat-montaj işlərinin sığorta təminatının əhatə dairəsi, İnşaat risklərinin qiymətləndirilməsi, Montaj risklərinin qiymətləndirilməsi və İnşaat-montaj işlərinin gecikdirilməsinə görə Sifarişçinin mənfəət itirilməsi risklərindən sığortası

Bu 3 günlük təlimin iştirakçılari üçün inşaat sığortası növü üzrə risklərin analizi, tariflərin hesablanması metodları sahəsində nəzəri və praktiki biliklərinin artırılmasında praktiki əhəmiyyəti olmuşdur. Təlimin başlıca məqsədlərindən biri bu sahədə biliklərin təkmilləşdirilməsi və anderraytinq bacarıqlarının genişləndirilməsi olmuşdur.

Artıq 4-cü ildir ki, AzRe öz müştərilərinə müxtəlif mövzular üzrə seminarlar keçirir və gələcəkdə də tərəfdaşlarımız üçün belə tədbirlərin təşkilini həyata keçiriləcək.

Tədbirdə iştirak edənlərə sertifikatlar verilmişdir.


06 iyul 2015

VI Beynəlxalq Sığorta Forumu

2-3 İyul tarixlərində Bakıda ölkəmizdə ilin ən böyük sığorta tədbiri olan ənənəvi Azərbaycan Beynəlxalq Sığorta Forumu (AİİF-2015) keçirilib. AİİF-2015 Qafqaz regionunda sığorta və təkrarsığorta bazarına həsr olunmuş ən mühüm tədbir olmaqla, regionun ən vacib istiqamət və perspektivlərini özündə əks etdirir. Ümumilikdə AİİF-2015-də 25-dən çox ölkənin 250-dən çox nümayəndəsi iştirak etmişdir.

“AzRe Təkrarsığorta” ASC tədbirin baş sponsor olmuşdur.

Tədbirdə “AzRe Təkrarsığorta” ASC Ruminiyanın PR şirkəti olan “Media XPRIMM” tərəfindən Azərbaycan sığorta bazarının inkişafında önəmli töhfəsinə görə xüsusi mükafatla təltif olunmuşdur.


01 iyul 2015

“AzRe Təkrarsığorta” ASC 238.312,65 manat məbləğində təkrarsığorta ödənişini həyata keçirmişdir.

2015-ci ilin iyul ayının əvvəllərində “AzRe Təkrarsığorta” ASC yerli sığorta şirkətlərindən birinə su nəqliyyatı vasitələrinin sığortası növü üzrə fakultativ təkrarsığortası slipinə əsasən 238,312.65 manat məbləğində təkrarsığorta ödənişi həyata keçirmişdir.

Sığorta hadisəsi “Quasar Compact Work Class ROV” sualtı avadanlığına zərər dəyməsi nəticəsində baş vermişdir.

Bu ödəniş su nəqliyyatı vasitələrinin sığortası növü üzrə bü günədək AzRe tərəfindən ödənilən 2-ci böyük ödənişdir. Bu sığorta növü üzrə ən böyük ödəniş 2008-ci ildə 1500000 EUR məbləğində olmuşdur.


22 iyun 2015

“AzRe Təkrarsığorta” ASC 2,6 milyon manat məbləğində təkrarsığorta ödənişini həyata keçirmişdir.

2015-ci ilin iyun ayında “AzRe Təkrarsığorta” ASC yerli sığorta şirkətlərindən birinə əmlakın yanğın və digər əlavə risklərdən sığortası növü üzrə fakultativ təkrarsığortası slipinə əsasən 2,6 milyon məbləğində təkrarsığorta ödənişi həyata keçirmişdir.

Sığorta hadisəsi mebel istehsalı fabrikində baş vermiş yanğın nəticəsində baş vermişdir. Bu AzRe tərəfindən yarandığı gündən həyata keçirilən ən böyük ödənişdir.


17 Oktyabr 2014

“AzRe Təkrarsığorta” ASC beynəlxalq reytinq alıb.

2007-ci ildən etibarən Azərbaycan sığorta bazarında uğurla fəaliyyət göstərən və yeganə təkrarsığorta şirkəti olan “AzRe Təkrarsığorta” ASC beynəlxalq reytinq alıb. Uzun müddət davam edən danışıqların nəticəsi olaraq oktyabrın 17-də AM Best Rating Agentliyi “AzRe”nin beynəlxalq reytinqini açıqlayıb. Şirkətin maliyyə sabitliyi “B+”, kredit reytinqi isə “BBB-” səviyyəsində təsdiqlənib.

http://www3.ambest.com/ambv/bestnews/presscontent.aspx?AltSrc=14&refnum=21767

Xatırladırıq ki, “AzRe”yə verilən bu reytinq dərəcəsi Azərbaycanın maliyyə bazarında, ümumiyyətlə ölkə iqtisadiyyatında ən yüksək reytinqdir. Reytinqin alınması şirkətin daha çox ölkələrdən və daha keyfiyyətli riskləri qəbul etməsinə imkan verəcək. Bununla da "AzRe" öz fəaliyyətini qonşu ölkələrə, eləcə də Yaxın Şərq və bəzi Asiya ölkələrinə də genişləndirə biləcək.


23 İyun 2014

AIIF-2014

19-20 İyun 2014-cü il tarixində Bakı şəhərində təşkil olunan AIIF 2014 – Azərbaycan Beynəlxalq Sığorta Forumu – Qafqaz regionunda sığorta və təkrarsığorta bazarına həsr olunmuş ən mühüm tədbir olmaqla, sözügedən regionun bu sahədə ən vacib istiqamət və perspektivlərini özündə əks etdirir.

Tədbirin baş sponsoru "AzRe Təkrarsığorta" ASC-dir.

AzRe Təkrarsığorta Rumıniyanın PR şirkəti olan “Media XPRIMM” tərəfindən “Outstanding Contribution to the development of the insurance industry” mükafatına layiq görülmüşdür.


16 İyun 2014

"AzRe Təkrarsığorta" ASC tərəfindən 09-11 İyun tarixlərində təşkil olunan Təlim barədə - Baku Jumeirah Beach Hotel

"AzRe Təkrarsığorta" ASC sığorta şirkətlərinin əməkdaşları üçün 09-11 iyun 2014-cü il tarixlərində “Əmlak sığortası” mövzusunda təlim təşkil etmişdir.

Proqramın moderatoru kimi beynəlxalq sığorta bazarında 45 ildən artıq təcrübəsi olan Mr. David Wansbrough-Jones çıxış etmişdir. O məsləhətçi kimi Mərkəzi və Şərqi Avropada sığorta və təkrarsığortanın inkişafına yardım etmiş və bu istiqamətdə həmin regionun bir sıra sığorta şirkətləri və Dünya Bankı ilə əməkdaşlıq etmişdir.

Təlimin əsas mövzuları: Kapital və risk elementlərinə əsas giriş, əmlakın anderraytinqi, riskin təyini, qiymətləndirmə və azadolma, monitorinq, anderraytinq prosesi.

Bu 3 günlük təlimin sığorta şirkətlərinin menecerləri və əməkdaşları üçün yüksək praktiki əhəmiyyəti olmuşdur. Təlimin başlıca məqsədlərindən biri sığorta və təkrarsığorta sahəsində bacarıq və biliklərin beynəlxalq standardlara uyğunlaşdırılması idi.

Tədbirdə iştirak edənlərə sertifikatlar verilmişdir.

Təlim "Jumeirah Beach Hotel"də keçirilmişdir.


09 Aprel 2014

"Global Challenge International Business and Strategy Simulation" turnirində birincilik

“AzRe Təkrarsığorta” ASC-nin komandası Allianz Consult şirkəti tərəfindən 8-9 aprel 2014-cü il tarixlərində təşkil olunan "Global Challenge International Business and Strategy Simulation" turnirində 1-ci yeri tutmuşdur. Bu praktiki təlim şirkətin biznesinin inkişafı, planlaşdırılması, monitorinqi və idarə edilməsi üçün yüksək təcrübə və bacarıqlar qazanmaqda köməklik göstərdi.


01 Aprel 2014

“AzRe Təkrarsığorta” təkrarsığorta üzrə risk tutumunu daha da artırmışdır

“AzRe Təkrarsığorta” ASC 01.04.2014-cü il tarixində beynəlxalq aparıcı təkrarsığorta şirkətlərdən olan "Hannover Re" şirkəti ilə Azərbaycan Respublikasını, eləcədə də keçmiş sovet respublikalarının ərazisini əhatə edən aşağıda göstərilən sığorta növləri üzrə 20 milyon manat həddində qeyri-mütənasib obliqator təkrarsığorta müqaviləsi bağlamışdır:

- Əmlak

- Tikinti-quraşdırma işləri, tikinti maşınları və avadanlıqları

- Elektrik avadanlıqları, sınmış mexanizmlər

- Yüklər

- 3-cü şəxslər qarşısında məsuliyyət (məhsullar üçün məsuliyyət daxil olmaqla)

- İşəgötürənin məsuliyyəti

- Avtonəqliyyat vasitəsi sahiblərinin məsuliyyət sığortası


01.04.2014-cü il tarixinə manatın məzənnəsi: 1 AZN = 1.27 USD


28 fevral 2014

Peşə məsuliyyətinin sığortası növü üzrə mütənasib obliqator təkrarsığorta müqaviləsi

28.02.2014-cü il tarixində “AzRe Təkrarsığorta” ASC ilə aparıcı beynəlxalq sığorta və təkrarsığorta şirkəti olan “Everest Re Group” Ltd arasında Azərbaycanda və ondan kənarda (ABŞ və Kanada istisna olmaqla) maraqlarını əhatə edən 2.000.000 AZN limitlə peşə məsuliyyətinin sığortası növü üzrə mütənasib obliqator təkrarsığorta müqaviləsi imzalanmışdır.

28.02.2014-cü il tarixinə manatın məzənnəsi: 1 AZN = 1,27 USD


14 noyabr 2012

“AzRe Təkrarsığorta” ASC-də yeni İdarə Heyətinin sədri təyin edilmişdir.

Fuad Əjdər oğlu Quliyev “AzRe Təkrarsığorta” ASC-nin İdarə Heyətinin sədri təyin edilmişdir.

Fuad Quliyev Azərbaycan Tibb Universitetini fərqlənmə ilə bitirmiş daha sonra Chartered Sığorta İnstitutunda sığorta təhsili almışdır. 2002-ci ildən sığorta sahəsində fəaliyyət göstərir və 2011-ci ilədək “Standard Sığorta” ASC-də İdarə Heyətinin sədr müavini vəzifəsində işləmişdir. Həmçinin 2011-2012-ci illər ərzində Rusiyada fəaliyyət göstərən PSQ “Osnova” şirkətində Baş direktorun müavini, “AFM Sığorta Brokeri” şirkətində İcraçı direktor vəzifələrində işləmişdir.

“AzRe Təkrarsığorta” ASC Azərbaycan sığorta bazarında ilk və yeganə təkrarsığorta şirkəti olaraq 2007-ci ildə yaradılmışdır. Nizamnamə kapitalı 40,0 mln. manat olan “AzRe Təkrarsığorta” ASC Avropa və MDB dövlətlərinin aparıcı sığorta şirkətləri ilə əməkdaşlıq edir.


14 noyabr 2012

“AzRe Təkrarsığorta” ASC-nə müddətsiz lisenziya verilmişdir.

“Sığorta fəaliyyəti haqqında” Azərbaycan Respublikasının Qanununa müvafiq olaraq, əvvəllər verilmiş lisenziyanın müddətinin başa çatması ilə əlaqədar “AzRe Təkrarsığorta” açıq səhmdar cəmiyyətinə Azərbaycan Respublikasının Maliyyə Nazirliyi tərəfindən 2012-ci il 07 noyabr tarixdə təkrarsığorta fəaliyyətinə müddətsiz lisenziya verilmişdir.


19 iyul 2012

"Azre Təkrarsığorta" ASC tərəfindən 06-08 Avqust tarixlərində təşkil olunan Təlim barədə.

"Azre Təkrarsığorta" ASC sığorta şirkətlərinin əməkdaşları üçün 06-08 avqust 2012-ci il tarixlərində "Təkrarsığorta üzrə praktiki kurs" mövzusunda Təlim təşkil edir.

Proqramın moderatoru kimi beynəlxalq təkrarsığorta bazarında 10 ildən artıq təcrübəsi olan Piter Keyv çıxış edir. Piter Keyv "Confidence Partnership" şirkətinin əsas tərəfdaşı, "Chartered Insurance" İnstitutunun və "City University"-nin baş mühazirəçisidir.

Təlim zamanı təkrarsığorta dövrləri, risklərin qiymətləndirilməsi, tariflər və təminat, fakültativ təkrarsığorta, mütənasib və qeyri mütənasib təkrarsığorta haqqında məlumatlar veriləcək.

Hazırki 3 günlük kurs rəhbər işçilər, eləcə də sığorta mütəxəssisləri üçün ixtisas biliklərinin beynəlxalq təkrarsığorta standartlarına uyğun artırılması istiqamətində böyük praktiki əhəmiyyət kəsb edir.

Təlim iştirakçılarına sertifikatlar veriləcəkdir.

Təlim "Jumeirah Beach Hotel"də keçiriləcəkdir.


25 iyun 2012

AIIF-2012

4-5 iyul 2012-ci il tarixlərində Bakı şəhərində "AIIF-2012" - "Qafqaz regionunda yeni perspektivlər" mövzusunda Azərbaycan Beynəlxalq Sığorta Forumu keçiriləcək. "AIIF-2012" təcrübə mübadiləsi və əməkdaşlıq əlaqələrinin inkişaf etdirilməsi məqsədilə işgüzar görüşlərin keçirilməsinə imkan yaradır, həmçinin regionda sığorta və təkrarsığorta sahələrinə potensial investisiya imkanlarını açır.

Tədbirin baş sponsoru "AzRe Təkrarsığorta" ASC-dir.

Tədbirdə Qafqaz regionunun, həmçinin Türkiyə, Mərkəzi Asiya, Avropa, Rusiya və MDB-nin sığorta, təkrarsığorta və broker şirkətlərinin yüksək struktur nümayəndələri iştirak edəcək ki, bu da həmin regionlar arasında əlaqələrin möhkəmləndirilməsi üçün çox yaxşı şərait yaradacaq.


20 iyun 2012

SCOR tərəfindən təşkil olunmuş təlimlər

"AzRe Təkrarsığorta" ASC yeni fərdi inkişaf proqramı çərçivəsində öz əməkdaşlarının ixtisas dərəcəsini artırır.

2012-ci ilin iyun ayında "AzRe Təkrarsığorta" ASC-nin aparıcı mütəxəssisləri Parisdə SCOR tərəfindən təşkil olunmuş təlimlərdə iştirak etmişdirlər.

Təlimlərdə tikinti-montaj risklərinin və təbii fəlakətlərin sığortası sahəsində sığorta bazarının inkişaf tendensiyası və əsasları, eləcə də risklərin qiymətləndirilməsi, sığorta təminatı və.s. öyrədilir.


5 may 2012

Qeyri-mütənasib obliqator təkrarsığorta müqaviləsi

Azərbaycan sığorta və təkrarsığorta bazarının inkişafı üçün "Azre Təkrarsığorta" ASC MDB ölkələri ərazisində (Ukrayna və Türkmənistan Respublikaları istisna olmaqla) aşağıda göstərilən sığorta növlərini əhatə edən 10 milyon manat həddində qeyri-mütənasib obliqator təkrarsığorta müqaviləsi bağlamışdır.

Gürcüstan, Latviya, Litva, Estoniya:

  • Əmlak
  • Tikinti-quraşdırma işləri, tikinti maşınları və avadanlıqları
  • Elektrik avadanlıqları, sınmış mexanizmlər
  • Yüklər
  • 3-cü şəxslər qarşısında məsuliyyət (məhsullar üçün məsuliyyət daxil olmaqla)
  • İşəgötürənin məsuliyyəti
  • Avtonəqliyyat vasitəsi sahiblərinin məsuliyyət sığortası

Bu müqavilədə lider təkrarsığortaçı 50 % payla iştirak edən "Hannover Re" təkrarsığorta şirkətidir.

Digər iştirakçılar: "SCOR" (20%) və "Polish Re" (30%)

01.04.2012-ci il tarixinə manatın məzənnəsi: 1 AZN = 1.27 USD


30 apr 2012

Nizamnamə kapitalı

Nizamnamə kapitalı 2012-ci ilin Mart ayında "AzRe Təkrarsığorta" ASC-nin nizamnamə kapitalı 14,30% artırılaraq 35 mln manatdan 40 mln manata çatdırılmışdır.


Ünvan: Bakı şəhəri, Bakıxanov küçəsi, 6 , Bridge Plaza, 8-ci mərtəbə.
Email: office@azre.az
Telefon: (994 12) 404 50 51/53
Faks: (994 12) 404 50 53